二月尾的一個假日, 我和哲哲搭巴士經過火炭, 哲哲突然說: 「呢度係火炭」

「係呀, 呢度係火炭, 你記得媽咪之前講過我以前o係呢度返工丫?」

「我記得呀, 媽咪, 不如搵日我同你一齊返工啦?」

「你同我一齊返工? 你好想我返工咩? 我返左工就照顧唔到哲哲架啦喎」

「好呀, 媽咪, 你去返工啦, 我有麻麻照顧我架啦」

「麻麻都要返工架喎. 你鐘意麻麻照顧你咩?」

「係呀, 我鐘意麻麻照顧我, 因為麻麻好好人」

「咁我呢? 我唔好人咩?」

「媽咪...好惡既 」

「咁媽咪出去做野, 接唔到哲哲放學架啦,你要留o係學校睇住小朋友走晒, 而你仲要留o係度睇電視睇到好夜先走得;」

「仲有, 媽咪無咁多時間同哲哲一口氣講好多本故事書, 你唔會唔捨得咩?」

「唔會~~我大個仔, 可以自己玩車, 我屋企有好多車車玩架」

好傷心呀!!!!

雖然知道哲哲可能只是戲言或一時有感而發, 但呢一刻佢確實感到媽媽我太惡, 就足以令我既心情跌到谷底 (有邊個會唔鐘意聽到自己既仔女話鐘意自己先得架?)

哲爸常說「慈母多敗兒」, 我確實沒有對哲哲很寬鬆, 為的就是不想哲哲做個娘娘腔/不可一世的敗家仔/低EQ零生活技能的宅一族

究竟日常生活的照顧當中, 哲哲是不是對我很不滿呢? 那我做全職媽媽, 為哲哲成長而著想, 是不是一廂情願呢?

真的希望日後不會聽到阿哲同同學講電話: 「我阿媽好煩架, 成日o係屋企監住我呢樣果樣, 不如出去賺多個錢加我零用錢比我買新電話買game仲好啦...」

哲, 日後也許你會怨屋企窮, 也許你不喜歡我整天在家哦你, 情願我出外工作賺多個錢, 但請你記住這一刻, 媽媽放棄了工作陪伴你成長, 希望你會記住我們渡過的每一刻

Maggie 發表在 痞客邦 PIXNET 留言(7) 人氣()


留言列表 (7)

發表留言
  • 莎莉蛋糕
  • 唔會嘅,哲哲童言無忌一時戲言啫,唔好放上心,佢大個知你放棄事業咁為佢,一定孝順你嘅
  • 都唔知佢要幾大先知道囉...我諗返我細個果陣, 我媽都係全職媽咪, 我以前都有嫌佢成日o係屋企好煩點解唔做野, 我真係衰女..

    Maggie 於 2011/03/11 14:32 回覆

  • Koko
  • 你有冇諗多左呢... 細路覺得媽咪唔惡, 個媽咪先有問題...
  • 無法解釋第一次體會到被自己個仔討厭果種震撼, 那種心情...你不明白吧...

    Maggie 於 2011/03/11 14:34 回覆

  • 櫻杏子
  • 唔使媽媽陪呀、唔使媽媽照顧呀…我覺得係哲哲性格獨立啫,同埋呢,佢咁講唔等於佢唔喜歡你嫁!茄茄最近都話我:我唔鍾意媽媽鬧,但係問佢鍾唔鍾意媽媽,佢依然答鍾意嫁!我估哲哲都會俾同一樣嘅答案你啫!
  • 咁又係...比人鬧點都唔鐘意架啦, 不過佢地點都係愛我地既...

    Maggie 於 2011/03/13 13:55 回覆

  • Koko
  • 可能你全職既關係喇, 不過我覺得細路對事唔對人既, 你都唔好太上心。
  • 嗯嗯, 因為我係全職咁照顧佢, 如果有一日佢話唔需要我, 咁我咪無左我既存在價值囉, 一諗到呢度就唔開心, 不過哲哲都係一時開口咁講, 我都知既, 只係一時之間聽到真係失落

    Maggie 於 2011/03/13 13:56 回覆

  • 白雪
  • 我明你既感受!
    但我反而覺得哲哲係懂事~~~

    但你都提醒左我一樣野..我要小心d唔好比自己成日哦個仔..其實諗叔自己細個, 父母愈哦我愈反叛, 反而我奶奶果d唔出聲唔出聲d仔女都算乖..

    慢慢黎啦..我地一齊成長到時邊個長氣就提邊個啦!
  • 係架, 但講就易, 做就好難, 咁長時間對住, 好難真係話少幾句, 盡量, 我盡量啦...

    Maggie 於 2011/03/13 13:57 回覆

  • Christine
  • 好似KOKO甘講, 哲哲都係對事唔係對人既, 佢可能成日對住你先甘講~
    如果有日你真係出去做野, 佢又唔會甘講架啦~~
  • 證明呢個衰仔幾衰, 識"拋"我啦...哈哈

    Maggie 於 2011/03/13 13:58 回覆

  • mag (馬姬)
  • 我都認同杏子咁講呀~ 你諗下... "我大個仔"呢句就可以反映到佢想獨立, 其他野都係一時戲言架啫~ 佢始終都係鍾意你嘅! 你唔好唔開心啦!
  • 多謝丫...講左出黎有咁多人支持, 都舒服左d, 不過真係要有心理準備, 日後大把呢d激死野~~

    Maggie 於 2011/03/13 13:58 回覆

【 X 關閉 】

【PIXNET 痞客邦】國外旅遊調查
您是我們挑選到的讀者!

填完問卷將有機會獲得心動好禮哦(注意:關閉此視窗將不再出現)

立即填寫取消