feb 26

這天是哲哲學校的家長日, 收到通告的時候知道老師會review哲哲在上學期的情況, 不過看到面談的時間只有五分鐘, 所以沒有抱太大的期望, 雖然如此, 哲爸還是請了假一起見老師, 想親身了解一下哲哲上學的情況

1.jpg 

時間尚早, 哲哲在大堂和大哥哥一起玩車, 看哲哲一點緊張感也沒有, 回想小時, 甚至大到中學見家長取成績表的時候, 擔心成績之餘, 也會緊張老師會對媽媽說怎麼樣的話, 哈哈, 好羞好羞

終於到我們了! 謝老師叫了哲哲入去, 哲哲也很自然的乖乖拖住老師的手, 這隻衰豬在我們面前是惡爺, 不過在老師眼中卻是個乖巧的好孩子~

入到課室, 謝老師先和哲哲傾計...

http://www.youtube.com/watch?v=ABccRke-8RI

開始的時間謝老師先問哲哲在家乖唔乖, 哲哲難為情的笑住不答檸檸頭, 老師再問哲哲點唔乖法, 哲哲笑住答「唔知」, 那個模樣實在抵死極了! 可惜一開始不好意思拍片, 所以拍不到呢. 看到哲哲坐得正正經經和老師的對答覺得好搞笑, 另外都好開心聽到哲哲說家中除了有好多車之外, 還答得出有好多書, 證明我一翻苦心為哲哲打造家中的圖書小天地入晒腦, 有成效的!

老師請哲哲示範玩玩具, 玩完之後請哲哲自己坐另一張檯, 好讓我們可以和謝老師單獨談一下, 這個時間真的要讚哲哲, 自己一個坐坐的玩, 沒有走過來打擾我們呢

2.jpg 

在老師眼中, 對哲哲有以下的評語: 

- 和同學熟絡了, 所以上堂的時候有時會不聽老師話, 和隔離的同學仔(jeffrey)傾計 (唔通「多嘴」真係有遺傳既? 想當年哲爸讀幼稚園的時候曾被老師投訴上堂太多話, 被人用膠紙封嘴了...) 

- 肯和同學分享玩玩具, 不會「獨家村」自己柄埋一邊玩或者孤立其他小朋友, 對小朋友都好友善 (是這樣的話就太好了, 常常很擔心哲哲太橫蠻不受歡迎被杯葛, 又或者「大蝦細」, 帶頭做技安蝦人)

- 專注力強, 可以坐定定自己完成整件工作, 就算完成唔到, 在老師的鼓勵下都肯完成, 唔會放棄 (這個在家裡好像不常見, 平常都是捨難取易, 遇到難的拋下一句「太難啦」就放棄了)

- 食飯方面, 原本食得好好, 不過老師說最近見哲哲吃正餐的時候吃得好慢. 問老師什麼原因, 老師認為是哲哲覺得餸菜唔好食所以食得好慢, 而且仲唔肯食菜, 成日揀晒出黎放檯, 不過經鼓勵後哲哲都肯食既. 相反, 茶點因為是糕點, 或者粥粉麵類多, 所以哲哲會吃得很快, 而且懂要求添食 (這個是我比較關注的問題, 一直很關心哲哲在學校吃得好不好, 夠不夠, 原來哲哲依舊不喜歡學校的餸菜款式問題而吃得很少...)

- 不喜歡玩假想遊戲, 但有興趣同好奇想知道發生咩事, 和老師反映可能要哲哲自己揀適當既衫做role play時, 不喜歡換衫所以順帶不喜歡假想遊戲了, 不過喜歡玩拼圖類的玩意 (竟然?! 一直以來哲哲都不喜歡拼圖配對之類, 還以為哲哲是極不喜歡)

- 校長和大部份老師對哲哲的感覺是表達能力好, 學野快, 守規矩, 還以為哲哲在校內是不專心, 多嘴的滋事分子, 原來在屋企同學校真的是兩個樣的~

這次一談就是十五分鐘了, 除了平常在手冊可以看到哲哲每個月的進步及學習情況, 這天也派發了一份簡單的發展評估表, 內容有語言, 常識, 數概, 自理, 藝術發展, 大小肌肉, 情緒及社交發展之外, 還有觀察報告:

report 005.jpg report 006.jpg report 007.jpg

沒有期望就不會失望, 一心打算k1幫哲哲入讀心儀的學校, 當初選這所學校只是因為近, 平, 而且托兒時間長, 想不到這所學校卻給我意外驚喜

這間學校好在所有東西都很causal, 要請假, 要早退, 即日說一句就可以了; 校服洗了乾不透要穿便服也沒有問題; 舉辦的活動講座多; 就連我們在二樓平台偷看哲哲上學的窗框暗角位都抺得一塵不染; 校內雖然多新移民的同學家長, 不過都算有禮友善. 不談學術性及校內環境問題, 一所老師校長有愛心的學校, 我們是不是要重新思考一下會否幫哲哲k1轉校呢?

完了面談, 哲哲問我: 「點解今日梁老師著靚衫既?」 (哲哲都挺留心老師的衣著喎...)

「係呀, 因為今日係家長日, 老師同我地傾計, 所以要著靚d唔洗著校服, 正如你都一樣啦」

「媽咪, 我話你知丫...其實jeffrey叫林x裕, 我知道佢既中文名, 我叻過佢丫, 佢仲係bb, 老師叫佢中文名佢都唔知既...」

「咁老師叫佢, 佢唔明白時你有無幫佢提佢舉手丫?」

「無喎...」

「咁下次你記得就幫下佢啦」

「老師都唔叫我英文名既, 其實我都有英文名架...」

「咁你鐘意媽咪叫你哲哲, 定kyros丫?」

「阿哲! 我都係鐘意叫哲哲多d, 嘻嘻~」

見老師後和哲哲的輕鬆對話, 希望日後令人緊張的小學中學時見完家長也像現在, 能夠輕鬆看待這樣子的談話就好了

Maggie 發表在 痞客邦 PIXNET 留言(4) 人氣()


留言列表 (4)

發表留言
  • 米B
  • 其實轉校對個小朋友影響好大, 要重新適應新老師新同學新環境, 不過上小學都係一個concern, 真係要小心衡量.
  • 係呀...所以好矛盾, 4月就要交錢啦, 我都唔知點好...不過見哲哲又無咩特別好鐘意呢間學校, 只係久唔久就話唔想返學, 懶掛...

    Maggie 於 2011/03/17 10:41 回覆

  • 白雪
  • 個個細路都一樣! 屋企學校兩個樣~~
    我都想講同can既野一樣...哲哲咁開心咁進步其實唔應該轉, 但上小學又係另一個問題..唉...
  • 呢間學校既派位情況麻麻, 要考心儀學校可能人地一睇你讀呢間都無咩希望...不過仲有時間比我再諗真d既...

    Maggie 於 2011/03/18 12:36 回覆

  • mag (馬姬)
  • 哲哲有進步喎! 叻仔丫~ 正所謂... "一動不如一靜", 你都係諗清楚先好轉學校吧~
  • 講適應能力我覺得哲哲轉新學校唔會有問題, 只係話晒都一年感情, 小朋友既感情世界同歸屬感真係好難講~

    Maggie 於 2011/03/18 12:37 回覆

  • 米B
  • 或者你同哲哲傾下先, 我覺得佢會明白.
  • 你指邊方面?

    哲哲對學校好似無咩所謂咁, 叫佢返就返, 不過可以揀既佢想唔返啦, 日日起身都係話唔返學要留屋企對住白豆對住d車, 無計...宅男係咁上下XDDDD

    Maggie 於 2011/03/18 12:38 回覆

【 X 關閉 】

【PIXNET 痞客邦】國外旅遊調查
您是我們挑選到的讀者!

填完問卷將有機會獲得心動好禮哦(注意:關閉此視窗將不再出現)

立即填寫取消