mar 22

很早之前已經有計劃想和哲哲一起踩單車放風箏, 不是天氣不好, 就是就不到時間去. 這早送完哲哲上學見天朗氣清, 決定即興和哲爸踩單車, 這次的目標是先熟習一下路線, 之後再和哲哲一齊踩! 吃完早餐, 和joanna通電話後她也有興趣一起來, 於是極速在港島飛入來新界, 認真老友!

等齊人, 在屋企樓下的單車鋪租單車, $30全日任踩, 8p.m.前還都不另收費, 好抵玩! 這樣健康的活動已經有很多年沒有踩過了, 而且也怕踩得太用力個多星期後去旅行會酸痛, 所以踩之前都有d驚驚地...

P3221684.JPG  

六條腿, 自虐隊, 出發囉!

出發無耐joanna架「生死時速號」就出事, 成程係咁怒踩唔停得, 倦死佢+笑死我地 XDDDD (咩叫「生死時速號」? 因為唔停得, 一唔踩就甩鍊囉 XDDD)

P3221686.JPG  

由馬鞍山慢慢踩, 踩到沙田城門河...意外又發生了...

P3221689.JPG  

話說我正在幫joanna拍照, 正想將個相機袋交給哲爸的時候, 袋入面的鏡頭蓋唔知點解跌左出黎, 仲碌碌碌碌到好遠, 輾轉之間從欄杆之中跌落條臭河度...全程尖叫也來不切反應, 嗚嗚...咁就唔見左$100啦~~

P3221697.JPG  

雖然只係跌左個相機...蓋, 但對於甚少發生意外既我黎講真係有點打擊, 只能無奈...又繼續上路, 踩到呢條路好有feel, 於是停下來拍張照, joanna個pose好有氣勢!

P3221700.JPG P3221701.JPG P3221702.JPG P3221707.JPG  

沿路一路踩一路傾計談笑, 好快就到左科學園, 我們先在這裡小休

P3221710.JPG  

當然少不了我們三人無聊搞鬼的自拍 XDDD

P3221727.JPG P3221731.JPG  

小休過後, 見時間尚早, 而且不是太倦, 於是決定再踩遠點, 踩到去大埔海濱公園, 應該趕得切回來接哲哲放學

P3221738.JPG P3221741.JPG P3221742.JPG  

沿途d風景都好靚, 滿地紅葉好有日本feel. 又踩踩踩, 終於到左大埔啦!!! 因為好肚餓, 於是求其泊埋架車食大排檔

P3221749.JPG   P3221751.JPG

呢檔野真係幾抵食, $25有兩餸既麵食, 仲有一碟油菜同一杯豆漿, 份量都唔算細, 而且最驚喜係味道不錯, 個牛腩同水餃好味喎!

檯面狂風掃落葉之後, 我們慢踩到海濱公園四處看看, 因為要趕住回去接哲哲放學, 所以在公園抖了一陣就起行了, 下次有時間的話一定會在草地上傾計同影下相~

P3221753.JPG  

(兩個傻人回氣中...)

一路上都很順利, 回到馬鞍山的時候終於有流血事件發生...話說joanna架「生死時速號」撞上我車尾, 因為停不了, 而被迫跳車, 擦損了 (果然有人踩親單車都係臨尾香 XDDD)

DSC02327.JPG  

最後我們三人踩住單車咁接哲哲放學, 同學們報以羨慕的眼光望向哲哲, 哈哈, 哲哲不知幾興奮幾好奇點解我地會有架新單車~~~

DSC02329.JPG  

我們沒有即時還車, 而是帶著哲哲在就近的單車徑兜風, 晚飯時候到了才依依不捨的還車

事後果然肌肉痛得要塗喜療妥才行, 往後幾天不停搓肌肉希望趕得及在旅行前把疼痛退散. 這天踩得好開心, 可以和最好的朋友和老公邊踩單車, 邊說笑談心, 這個活動低消費又健康, 再有機會兩個一齊放假的時候一定會再踩遠d~~

Maggie 發表在 痞客邦 PIXNET 留言(0) 人氣()