apr 22

每年復活節愉景灣都會舉辦沙灘掘蛋的活動, 上年報了名但額滿, 這年我們沒有報名參加, 不過因為很想入去見識一下, 於是連同牛姨整家一齊遠征愉景灣

DSC_3113.JPG  

愉景灣對我們來說真的是很遠很不便, 車費又貴, 為求慳多少少車費, 我們轉了四轉車來. 途中我們都惱說來完這次未年一兩年都不再來, 哼~

千辛萬苦, 終於來到隧道門口了, 司機說還要轉乘多一架巴士到北商場. 在門外看到深不見底的隧道已經累極很想付錢就算, 這時哲爸的ipad發揮功用, 建議我們步行, 因為google map顯示轉個彎就到, 搭巴士的話等得來都入到去了

DSC_3108.JPG  

於是我們硬著頭皮步行入去, 幸好今次哲爸無比山埃我食, 果真很快就見到大型攤位活動, 如果真係等車又比錢搭車既話就真係好笨囉~

DSC_3112.JPG  

乘了差不多兩小時的車, 帶著會不會落雨, 患得患失的心情下, 來到這裡真的好興奮! 哲哲見到這個彈跳城堡急不及待就說要玩, 幸好遊人不多, 都唔洗點排隊就玩得啦

1.jpg  

或許愉景灣多外國人居住, 這裡的活動都有好多外國小孩來玩, 佢地都玩得幾粗魯, 睇住佢地唔止一次, 亦唔係無心咁撞向正在跳彈床的小朋友, 哲哲更比某個金髮男孩推倒好幾次. 和他理論又無用, 他的父母又不在這兒, 和工作人員說了又無幫助(因為不能禁止佢唔準入去玩), 見勢色不對, 唯有拉開哲哲稍後再來

2.jpg  

復活節又怎能少了復活蛋呢? 畫完後哲哲要求灑上粉紅色閃粉, 揸住支竹簽係咁轉動隻蛋, 哲哲笑說好似燒野食咁丫~

DSC_3167.JPG  

雖然粉紅色閃粉有點娘娘地, 不過襯埋藍藍綠綠都算幾好睇啦!

在我地排隊玩滾動水晶球時, 哲哲把握時間到隔離的皇家合奏小天地玩樂器. 不知道是不是學校的老師很喜歡用搖鼓邊拍邊唱歌, 兜兜轉轉, 哲哲總是喜歡把玩手上的搖鼓

3.jpg  

其實今次來愉景灣為的都是想玩這個水晶滾球, 之前在雜誌看過, 在墾丁的時候見過, 不過一直都齋諗無行動, 終於今日比我地玩到呢個倉鼠波波啦, 仲要唔洗錢tim!

DSC_3218.JPG  

愛刺激好玩的我, 當然身先士卒玩先啦. 見到前面的人, 老老嫩嫩有d玩到訓低左, 從中我都參悟到少少技巧, 睇下係咪如我所想先~

4.jpg  

結果係無錯既! 兩個人一定要合拍, 盡量企直向前行, 千祈唔好屈曲/爬的姿態, 否則就會好似哲哲同牛姨咁, 玩到一仆一碌. 仲有, 兩個既步速盡量一樣, 是但一個太快的話, 另一個跟不上就會變滾地大冬瓜啦~

7.jpg  

呢個玩意活動量真夠大, 玩完一轉真係幾索氣, 不過真係好好玩! 哲哲玩完一round之後意猶未盡, 和哲爸再玩一次, 可能跑得太激, 隻襪玩到穿左, 索性除埋去, 哈哈哈

5.jpg  

因為好好玩, 人不多又不用錢, 我們排了好多次玩到夠先玩下一個玩意

6.jpg  

玩完水晶滾球, 哲哲去了這個色彩繽紛既波波池~ 睇下, 呢個波波池既波波好sharp好colourful, 同平時見到果d好唔同. 玩到無野好玩, 哲哲玩扮跌低訓身飛波, 成隻monkey咁~

夾好另一邊商場的shuttle bus時間, 我們到舉辦沙灘掘蛋的那邊再玩落去. 那裡還有很多攤位遊戲, 既然一場黎到見各位都未倦, 於是過去湊湊熱鬧

DSC_3472.JPG  

這裡的攤檔密密麻麻, 遊人比剛才多很多, 不過遊戲好玩度並不及北商場的那邊, 實在興幸我們先到較少人的北商場玩完一輪才過來呢~

8.jpg  

哲哲第一眼見到撈金魚就兩眼發光, 而這次比上次在靈糧玩的時候, 是真魚, 不是假的, 就更死纏要玩, 玩一局要收$20, 心諗肯定玩唔夠三分鐘, 這些紙網一定會很快就被哲哲弄破

9.jpg  

最後, 經我地「出貓」之後撈到三條小金魚, 攤主只能給我們拿走一條, 於是我們挑了最小最瘦的一條回家. 在攤主手扎膠袋同時, 我心十五十六要是帶小金魚回家的話, 不知道要怎樣養...愛吃魚的哲哲, 心思卻簡單得多, 只是一味的問「呢條魚食唔食得架?」

事後, 我們叫哲哲幫這條小金魚改個名字, 哲哲想了又想: 「阿渣」. 牛姨就不喜歡這個名字, 因為會令她想起小強...但我卻覺得很特別, 而且是哲哲第一次為小生命改的名字, 當然有其價值. 而這條小金魚, 就是後來我家的阿渣

玩到有點餓, 正想買點什麼吃的同時, 看到這個攤位, 真是我們的救星!

10.jpg  

免費milo+朱古力醬麵包, 任添:)

醫飽肚又到隔離攤位玩, 這個兔子保齡球無聊又殘忍, 不停推個波去碌兔仔...偏偏d兔仔好似金霸王咁, 點推都唔跌...都唔好玩既...

11.jpg  

下面這個遊戲也是莫名其妙, 要將自己圈內的蛋推走, 盡量令自己的範圍沒有蛋就當贏. 身手敏捷的哲哲扎行馬守住自己的位置, 完全難唔到佢~

12.jpg  

整個攤位最愛歡迎應該是這個滾輪滑梯吧. 我們兵分兩路前後腳咁排, 比哲哲玩左兩次, 比起靈糧那次這個更快更長, 哲哲玩得更開心!

13.jpg  

我們玩到攤位的最後一刻, 天開始下毛雨, 我們和哲哲玩完跳彈床之後, 乘shuttle bus離開了. 這天都算天公造美, 不枉我們山長水遠入來玩到身水身汗, 有機會的話, 希望再來這個沙灘玩個沙地遊樂場和踢踢水吧~

Maggie 發表在 痞客邦 PIXNET 留言(0) 人氣()