當初懷有哲哲的時候很倉卒, 預約了的懷孕前檢查因為哲哲提早來臨而需要取消, 當時恃住自己年青身體好, 亦興幸哲哲出世後沒有什麼大毛病

這幾年自覺身體不好經常小病, 而且想當年也太輕視地中海貧血症, 乙型肝炎帶來的問題, 既然我們有計畫生多個的話, 倒不如真正來一次懷孕前檢查. 假如查到自己的抗體不足, 要注射疫苗的話也要花四個月時間, 所以決定早一點做好準備

問了朋友意見, 也比較了幾間醫學檢驗中心, 價錢方面出入可以由$600一位至$1,700一位不等, 當中會檢驗的項目也有不同. 除了較為大路的血細胞檢查, 尿液, 恆河猴因子是必包外, 同樣重要的地中海貧血, 精液常檢, 乙型肝炎抗體測試, 德國麻疹及子宮頸抺片卻是間間不同, 有些包括在收費內, 有些則額外收費

在價錢和信譽口碑比較下, 最後我們選擇了家計會

網上看到家計會有以下評價:「姑娘手勢比較粗魯, 我怕痛喎」「每次預約都要兩星期前, 收報告又要等兩星期, 頭尾夾尾差不多要兩個多月架」「政府野安心d, 起碼唔會遺失樣本或者報告出錯先啦」

(下? 報告都可以寫錯? 傳聞有某大醫療中心試過將客人送來的檢測樣本遺失了...)

所以如果急住造人, 急住要知檢測結果既話又唔介意價錢略貴, 都係搵其他醫學檢驗中心做好了, 保證一星期內有期做檢查兼出埋報告!

mar 21

三月頭預約, 最快的見面時間約在這天, 第一次見姑娘只是填問卷及抽血. 哲爸比較唔好彩, 遇上個實習的男護士, 戰戰兢兢咁吉左兩針加「了多兩了」, 連皮厚肉鞋的哲爸都有點痛, 事後針口位腫了...

DSC02318.JPG  

may 9

第二次會面, 因為我們事前沒有選擇見醫生聽報告講解而慳左$400, 亦幸好我們的報告一切正常不需要醫生的特別解釋. 所有指數都好靚, 不需要做更多的檢查(如地中海貧血)去驗證, 只是姑娘說我有點貧血, 指數踩界, 叫我平常多休息及要有充足既睡眠

DSC00613.JPG  

意想不到的是我的德國麻疹同乙型肝炎既抗體「勁」得好緊要, 其實我打左疫苗已經有超過十年以上, 姑娘說過左十年體內仲有咁多真係「好夠照」, 絕對不用擔心會感染而傳染到比胎兒. 哲爸方面也一切正常

咁樣check一check唔見$1,200, 哲爸事後孔明話早知大家都咁fit就唔洗做檢查啦....激死~

Maggie 發表在 痞客邦 PIXNET 留言(0) 人氣()