日與夜。兩個我

四月我們過得很愉快, 很多個假日及多出了的復活假節目都安排得很豐富, 最開心莫過於哲爸在這個月的例假足足有四天放在假日, 可以一家三口齊齊出動去玩, 果然特別盡興

apr 8

早上和哲哲去了學校旅行, 晚上哲爸照顧哲哲放我出去和一班舊同學聚舊. 這次的地點選在coins的男朋友在上環熟食市場開的abc kitchen

這晚我們吃的絕不是abc這麼簡單, 餐廳雖然位於熟食市場, 沒有浪漫高雅的佈置, 不過食物水準絕對拉上補下, 難怪全晚客似雲來

我最喜歡的是蟹肉梳乎厘夠新意; 鵝肝同三文魚都切到好厚身, 一啖食落去好滿足; 奶油青口及西班牙海鮮飯份量不少; 另外黑松露春雞同西班牙脆乳豬d肉都好嫩, 非常好味道! 呢一晚同同學傾到好夜, 飲埋酒非常好feel. 鼻竇炎痛? 話之佢囉~

apr 9

這天是呈呈表妹的兩歲生日party, 我們去完林村許願樹就趕到呈呈的家燒野食

呈呈是個很好笑容又乖的小女孩, 哲哲待人很冷淡, 又不喜歡攬攬抱抱之類, 每次看到呈呈都避之則吉. 然而哲哲的舉動沒有只嚇怕呈呈, 相反呈呈用熱情來溶化哲哲

這一晚哲哲被呈呈的熱誠所感動, 態度開始軟化, 開始和呈呈一起玩. 雖然呈呈比哲哲細, 哲哲又成日搵呈呈笨, 不過呈呈都好耐心地等待哲哲表哥, 好喜歡痴住哲哲玩(其實哲哲永遠都霸住玩具唔會讓呈呈玩, 但又吩咐呈呈要排隊等佢玩完先到佢)

唱生日歌切蛋糕啦! 瘋狂的哲哲不停對住蛋糕狂吹, 就算捉住雙手依然吹過不停=.=

happy birthday to sweet sweet 呈呈表妹~

apr 16

隔了一星期又有生日會啦~ 這次是晴晴表姨四歲生日呢~ (又係叫呈/晴? 所以哲哲一向都記唔住兩位呈/晴, 一位是表妹一位是表姨, 常常都會搞錯不知道我們在說誰)

這年的生日會在玲玲新居舉行, 我們去完南生圍後, 晚上和大伙兒一起慶祝. 這晚大食會的食物大部份都是各人自製最拿手的來分享, 我最欣賞既緊係牛姨整既咖哩啦~

四月份有表哥仔, 仔仔哥哥同晴晴生日, 睇下個生日蛋糕幾靚~ 晴晴呢日仲收到好多禮物, 個彩虹頭盔同滑板好型, 哲哲都好想玩丫~~

happy birthday to 晴晴表姨, 要快高長大丫~~

apr 25

一連四天復活假, 白雪突然吹雞在最後一天的假期到天空之城bbq

呢一次是我們眾人有感一直以來最最最梳干最享受的一次bbq!

小戰隊成員已經混熟, 白雪堡壘又大又多野玩, 已經可以三五一堆齊齊玩, 鐘意落樓玩玩具睇書又得, 鐘意上天台鍊車sir滑梯又得, 絕對唔洗我地再擔心

食物方面是前所未有的大堆頭! 無左以往既牛柳串, 取而代之係件件成塊面咁大既厚牛扒同超多肥膏既牛小排. 仲有仲有, 次次都好食到唔夠分既羊架, 大廚jojit炮製既燒大蝦同煨花甲, 仲有脆卜卜既豆卜都好好味!

哲爸本來唔鐘意bbq, 嫌麻煩嫌慢嫌隻手痴lup lup好dirty, 只係識燒丸同腸既哲爸次次都叫苦一定食唔飽. 不過識著白雪之後, 哲爸話鐘意左bbq(只限在白雪堡壘), 因為白雪的家設備又整(工具汁醬之類, 依家天空之城仲有埋風情檯櫈tim), 野食多款又好味, 最緊要係洗手方便, 哲哲又多玩具玩同朋友仔一齊玩唔洗擔心. 除左極讚天空之城, 哲爸仲好鐘意jojit, 因為懶燒貪快的哲爸在燒得慢又唔識吉野食之餘, 間唔中有jojit燒d正野可以比佢過口福~

講左咁多, 其實一點都無誇張, 我同哲爸都有感, 天空之城以外既bbq應該滿足唔到我地囉...