日與夜。兩個我

may 14

四月尾的一次聚會談起摸蜆, 阿ling提議有好多師奶喜歡到大欖涌的燒烤場, 貪其味道不錯之餘更可以包VIP冷氣房打麻雀睇電視, 隔鄰也有條泥河可以摸蜆, 如此好玩當然要試!

喜歡bbq的我們一直都很鐘意用叉吉住野食咁燒, 以往曾有舊友提議戶外燒烤, 那時不是計畫告吹就是哲哲年紀太小, 戶外燒烤怕哲哲亂走會不小心走近火爐有意外發生. 然而哲哲長大了, 而這個燒烤場設計得不錯, 有足夠的空間讓小朋友自由活動, 不用擔心地方小無野玩哲哲無聊跑近火爐

說回這個燒烤場, 假日$88/位(100cm以下小童不另收費)任燒任食有點取巧, 雖然食物方面款式很多, 不過飲品方面除了包一支水及一罐汽水之外, 額外要另費; 又例如炭/蜜糖/牛油之類, 用晒要添又要另收費. 場內不準帶自來飲品, 不過我們帶了少量的飲料也沒有刻意檢查, 算幾寬鬆~

今日天氣bbq一流, 天陰有涼風, 就算沒有VIP房也不會辛苦, 不過我們事前book了細房, 有冷氣又包左一檯麻雀, 坐得舒服點都不錯. 取房後, 我和哲爸到隔離的泥河看看今日水漲的情況...

來之前都check到中午水漲, 果然又要令哲哲失望了...

meow chu和elena先到, 哲哲好乖主動地拿出吹波水和大家一齊吹, 三個小朋友無爭玩無催人, 個個吹完一陣自動波讓比下一位, 全部都要比個叻字丫~

無耐rico, 幸諭同埋慧慈都黎埋, 我地正式開爐燒野食, 班小朋友就不停玩玩玩

場內有個小型遊樂區, 在我們眼中只是個「好hea」既滑梯, 但小鬼們聚在一起明顯玩到不亦樂乎

小朋友玩得開心, 大人們就可以更安心的燒野食啦, 哈哈. 藍色的大貨櫃就是我們的冷氣房, 燒到熱時可以入去過冷河真係幾爽架~

踩完單車玩過sir滑梯, 可以入黎冷氣房玩下配對麻雀, 或者好似哲哲咁疊麻雀都得, 隨得你喜歡

為左引班小朋友乖乖地影張合照, 出動到「有禮物有抽獎」要坐定定兼V字手, 唔...為左個小抽獎班小鬼都幾合作, 呵呵呵

排隊先! 一個輪住一個抽扭蛋, 睇下班小朋友個樣認真~

女仔抽到既係hello kitty手錶, 真係好靚好靚, 只係$15咋~ 我最鐘意黃色檸檬頭既kitty, 可惜我戴唔到啦...(心思思想扭晒成個系列黎儲tim...)

男仔就係thomas同toby啦~ 哲哲都算唔話得, 之前同佢一次扭左咁多隻扭蛋, 都可以忍住等埋小朋友一齊抽獎先拆. 同樣係thomas迷既rico抽到toby, 第一時間拆出黎同哲哲「爆車」一下

識英雄重英雄, 哲哲明顯喜歡同男仔玩, 成日孖住rico玩車, 就連地下有條裂縫都可以當路軌玩一親, 又或者見哲哲行石春路, rico又會孖住哲哲一齊行

kk買左個好正既雪糕蛋糕同qq慶祝生日, 唱過生日歌吹過蠟燭, 大人繼續開檯打麻雀, 而班小朋友就繼續空地跑步同玩遊樂場直到十點先散水, 好飽好盡興啊~~

百零蚊可以玩咁耐兼食足全日都算幾抵, 朋友仔說食物不過咸, 味道不錯, 不過我和哲爸認為款式味道及賣相肯定不及「私竇」天空之城好啦...白雪, 你聽唔聽到丫)))))))) XDDDDD