日與夜。兩個我

在墾丁大街中, 食肆競爭激烈, 這間餐廳有十一年歷史, 絕對食得過

墾丁大街的餐廳消費絕對不便宜(好似山頂咁, 唔劏你等幾時?), 在恆春吃基本上是墾丁的打個七折, 選擇又多又不用加一, 只是一場來到墾丁不在大街吃有名的南洋菜, 就好像去日本沒吃過迴轉壽司魚生一樣咁失敗

上網看人家的blog, 鎖定了必吃推介之後, 再比較下幾間泰式餐廳的卜文食評, 最後意屬曼波泰式餐廳. 選擇曼波, 除了因為好評之外, 沒有服務費, 價錢也比弄海及沙哇蒂卡平

因為是平日淡季的關係, 就算餐廳沒有訂檯服務, 我們walk-in都很快有位子. 內裡是一貫南洋風情, 和其他大街的泰式餐廳都是差不多的樣子

月亮蝦餅NT230, 椒麻雞NT240, 緬式蝦醬空心菜NT160, 酸辣海鮮(蝦)湯 小NT200, 白飯NT20

月亮蝦餅我喜歡單吃, 不過哲爸同哲哲兩個不停點個醬汁, 酸酸甜甜好開胃! 椒麻雞是去骨的炸雞肉拌以辣椒及蒜頭粒, 送飯一流~ 酸辣海鮮湯和平時在香港泰式餐廳的不同, 哲哲好奇喝了一口覺得好辣, 不過邊說辣卻邊要喝, 因為太好味了! 我最欣賞的是空心菜, 本來我以為空心菜是飲通菜或者菠菜的口感, 但吃下去又不太像, 總之用蝦醬炒就更加好味想encore!

食完飯, 我地再夜遊墾丁大街再次掃街, 回頭才駕車回托斯卡尼呢~

曼波泰式餐廳

地址: 屏東縣恆春鎮墾丁路46號

電話: 08-8862878

推介指數: ★★★★(五星為滿分)

小貼士:

- 睇地圖同停車場有段距離, 亦知道如果旺季來的時候, 人多無得泊車好唔方便, 對出有個空地, 我地見人人都就咁泊埋一邊都無人抄牌, 於是我地都一樣, 免費~

- 上悠遊墾丁print coupon, 有九折~

- 如果不一定在墾丁大街吃泰菜, 可以試試上恆春吃老婆的私房菜, 網上評價不錯, 最重要是價錢很經濟實惠~

- 我比較婆媽, 出發前會記低將要吃的東西大約價錢, 以免去到價錢出入太大被屈食貴餐