才一早就下著毛雨, 幸好這天的行程是參觀海生館, 數數手指, 已經來到第三天的行程了

1.2.JPG  

途經十字路口正駛進海生館的路時, 看到路口有間吃牛肉麵的, 記得搜集資料的時候看過這間牛肉麵, 據說是由四位有學士學位的四姐妹打理的台灣牛牛肉麵, 既然一場來到, 就入去捧場一下吧

「喂喂, 剛剛先食完早餐又食?!」

「媽咪, 我好肚餓丫...好想食野丫...」

「嗱, 阿仔話肚餓丫, 唔緊要啦, 反正原先打算在海生館吃個下午茶, 不過海生館d野又貴又無咩特別, 依家食左咪一陣唔洗食囉. 嗱, 依間好野黎架, 唔食走寶!」

1.jpg  

(清燉牛肉麵NT135, 紅燒半筋牛肉麵NT158)

一睇個賣相就知道味道認真好啦! 我的是清燉牛肉麵, 沒有多餘的調味, 只有清甜無渣的白蘿蔔以及入口即溶的牛腩, 那個湯底鮮甜無比, 簡直是吃過以來最好味的牛肉麵! 可惜店家太孤寒啦, 牛肉給得那麼少...哲爸的紅燒半筋腩牛肉麵也好吃, 不過我還是喜歡吃原汁原味, 不味濃的東西

2.jpg  

吃完味道滿分的牛肉麵, 來到海生館. 場館共分為三個區域, 我們先到世界水域館走走

3.jpg  

呢個大玻璃水族館做得好真實, 入面有架類似鐵達尼號既爛船沉沒, 一層一層睇得好清楚, 再行入d個感覺好似入左個爛船艙入面, 幾有走難既感覺架

DSC_1120.JPG  

4.jpg  

其中一part有d好奇怪一條條好似鐵勾既蟲(定魚?), 會上上落落咁, 好怪異; 仲有唔怕羞好鐘意在你面前反肚咁游水既海獅 (當然還有好多不知名的海洋生物啦...)

DSC_1119.JPG  

要戴個特別既眼鏡先睇到4d效果架~

DSC_1178.JPG  

呢個水幕都好特別, 將海洋生物投影在落個水幕度, 感覺就好似活生生的盤距在半空中. 唔單止可以身體穿透過去, 仲可以觸摸這片水幕, 影像會有不同的反應. 哲哲見到都有點驚, 因為唔明白點解無神神會有堆煙飄出黎之後會有個影像, 不過同佢用手摸摸下就無咁驚啦

DSC_1168.JPG  

終於親身見到呢個巨大既海洋水族玻璃啦! 第一眼感覺果然好震撼, 不過再看又覺得沒有什麼特別, 最特別之處就是特別大囉...

DSC_1233.JPG  

講特別點及上呢個缸見到蛙人用支牙刷慢慢咁刷洗青苔 (咩海生館好窮咩...得一個人仲要用咁細支牙刷去刷個缸底, 完全鄧佢辛苦=.=)

6.jpg  

5.jpg  

哲哲最喜歡睇企鵝, 肥肥胖胖走得輪輪盡盡咁好得意. 我地觀察左好耐, 見到企鵝唔同既一面, 好似佢地鐘意照鏡; 一隻企鵝走上涯上, 點都要等齊幾個排隊跟尾先肯跳落水, 無人跟尾既話就點都會企到有人排隊為止

7.jpg  

見時間不多了, 我們走到照相館拍照留念. 入場的時候工作人員給了我們贈劵, 就是買兩張成人價可以免費做一個精美的匙扣. 哲哲都幾合作, 影左好多相效果都唔錯, 如果唔係都唔知點揀兩張相放入匙扣度~

8.jpg  

基本上我們只逛了兩個館, 假如要慢慢看的話可以花大半天去看, 不過哲哲始終念念不忘門前的那個嬉水池. 我們帶齊衫褲毛巾準備哲哲玩濕了可以更衣, 可是天氣太冷了, 嬉水池的水溫簡直凍到入心入肺, 只是踢兩下水我都覺得極凍, 好在哲哲好聽話只係用腳踢左陣, 如果唔係冷親就麻煩了

小貼士:

1./ 在HOT門市買入場劵比原價NT450平得多, 記得用手機拍下會章, show給HOT門市職員有粉絲價, NT390咋!

2./ 如圖, 門前有個嬉水池, 夏天來的時候小朋友應該會玩得很痛快, 所以記得帶定毛巾及替換衣服

3./ 出發前在海生館的網站查看一下當天的特備活動時間表, 有些活動如鯨魚/企鵝餵食是有限定的演說時間, 不想錯過就查好時間直接先過去吧

4./ 海生館可以免費寄存行李, 還有免費使用的嬰兒車, 好貼心的服務啊; 此外海生館還有辦夜宿活動, 與魚同眠, 詳情請看官網

Maggie 發表在 痞客邦 PIXNET 留言(0) 人氣()