jun 5

這天原定和朋友仔到南丫島行山兼游龍舟水, 不過天氣實在太炎熱, 加上kk身懷六甲, 為免有中暑的危機, 臨時取消了行山的路線, 改為四處遊逛好了

_MG_2327.JPG  

天氣咁熱, 嘆返個凍豆花先~

DSC01276.JPG  

(阿婆豆腐花人龍又長, 味道又不及數年前的好, 這兩年我轉投沙灘口那一檔, 豆花又滑, 坐得又舒服, 邊洗排隊邊洗迫!)

除左朋友仔之外, 這天哲哲仲帶埋晴晴表姨及丈公一家同朋友仔一齊玩, 出奇的是明明之前哲哲對住rico好痴纏, 這日卻一反常態, 整天只掛住同晴晴玩

問哲哲為何不理rico, 又問為什麼不介紹晴晴表姨比其他朋友仔認識一齊玩, 哲哲卻說他只會和一個人玩, 而那個人又只可以和他玩, 同一時間是不可能和其他人玩的=.= (要單對單的玩嗎?)

1.jpg  

我的世界就只有你...絕對沒有說錯, 有哲哲的地方就會見到晴晴, 兩個要好得像糖痴豆般

看著哲哲能夠和晴晴和平共處, 其實是真的很安慰, 多得晴晴是個乖巧的孩子, 處處忍讓哲哲, 自兒童探知館以後及昨晚的生日飯後, 他們倆擦出火花, 晴晴也被哲哲「開籠雀」勇敢的個性感染, 變得更主動, 更活潑了

其實這天同行的還有meow chu, rico, elena同幸諭, 有得玩沙玩水, 個個玩得不亦樂乎

4.jpg  

(右下) 哲哲正在用沙堆一個生日蛋糕, 插上樹葉, 說是生日蛋糕上的朱古力牌呢~

2.jpg  

3.jpg  

一張又一張動感的照片, 多謝哲哲的丈公影到咁多精彩的照片, 有咁強勁既後盾我地竟然唔記得叫丈公幫我地影張大合照, 真曬料~

IMG_3110.JPG  (photo by 偉康舅公)

拎住支長炮近兩小時, 在烈日下乾煎, 遠距離在岸上默默地等待精彩一刻, 這種能耐, 對攝影的熱情, 丈公你係得既!!!

沖身過後我們在南丫島吃海鮮餐, 一行十六人, 最緊要找間餐廳有位坐, 唔洗等食就好了

5.jpg  (photo by florence)

味道不過不失, 價錢...認真是海鮮價=.= (下次還是做足資料搜集訂定檯做後備好了...)

「我又要抱~~」

DSC01313.JPG  

哲哲最近喜歡上懂得和小朋友玩的偉康舅公和丈公一家, 見到舅公揹住晴晴, 嚷著要舅公抱埋佢一份, 希望這晚舅公無被兩隻小鬼折磨到腰酸骨痛訓唔著吧~

arrow
arrow
    全站熱搜

    Maggie 發表在 痞客邦 留言(0) 人氣()