日與夜。兩個我

某日接哲哲放學, 老師們恭喜我為哲哲添多個弟妹, 一問之下原來哲哲對人說「我已經係大哥哥黎架」

最近哲哲經常口中提「我已經係大哥哥黎架」, 除了和老師講, 也有和麻麻公公婆婆及朋仔仔講, 其實他的意思是已經大個仔了, 不是小朋友, 不是bb, 和(真正的)大哥哥姐姐一樣可以自己去玩

(哲哲...你這翻話會引起很多不必要的誤會, 會令麻麻公公婆婆(白)開心得要緊架~)

復活節某天, 中午和公公婆婆飲茶, 公公婆婆胡鬧上來, 公公對哲哲笑說婆婆吹水唔抺嘴, 哲哲聽到就遞張紙巾比婆婆, 笑說:「你都吹水唔抺嘴, 你快d抺返個嘴先啦~~」

(嘩卡卡卡, 哲哲誤以為婆婆流口水無紙巾抺嘴, 即時遞上紙巾都算幾醒目幾make sense啦~)

數月前, 哲哲在八卦電視上看到某男藝人和某娛樂公司正式簽約過檔, 畫面一轉, 轉到男藝人和娛樂公司男高層簽紙, 握手及棒著合約讓傳媒拍照, 閃光燈閃過不停...

「媽咪, 呢兩個叔叔結婚丫」

(未知道結婚是一男一女的哲哲, 總之見到場面儀式似結婚就說是了, 正一傻豬呢~)

又早幾個月, 無線在播tvb pearl魔盜王的預告片, 看到johnny depp的造型...

「媽咪, 耶穌丫~~」

(同哲爸即時笑到反艇, 之後每播一次預告都笑到流眼水XDDDD)

有幾次, 在電視看到天災人禍的片段, 正在和哲哲淺談生命的可貴...

「哲哲, 你睇下新聞入面既小朋友好慘, 水浸沖走左佢地既爸爸媽咪, 以後佢地都無爸爸媽咪錫架啦, 因為爸爸媽咪死左, 以後都唔返黎, 以後都見唔到佢地架啦...」

「嗯, 水浸沖走左囉...」

「咁如果媽咪有日死左, 以後哲哲都見唔到媽咪, 你會唔會好傷心, 好掛住我呀?」

「唔...媽咪, 唔準講個死字, 咁講係無禮貌架!」

(耶~~~洗唔洗捉我字蚤丫~~)