日與夜。兩個我

apr 16

這天我們參加晴晴表姨四歲生日會, 一場來到天水圍, 順道看看南生圍

在西鐵站慢步到南生圍約十五分鐘就到了, 沿途天色想落雨, 還十五十六好不好下次再來順道上杏子的家探細佬熙...

看到指示牌, 加上同行有很多龍友, 所以不怕行錯路呢~

平常看人家的婚照, 電影取景南生圍是很漂亮, 那個木橋更是到此一遊的地標, 可是沿路走, 怎麼看到這個又臭又糟的泥河?

天咁黑+生日會快要開始+對面回程的人等上船何其多, 那一刻真係好想同哲哲影完呢張"到此一遊"就縮沙走...

不過哲哲見到呢架爛船死都要搭, 唯有頂硬上...其實真係好唔忿氣兼真係好掠水, 呢條橋明明果兩步路仔, 但係因為又臭又污濁, 唔行呢條路就無路可入, 焗住每人$5咁坐呢架爛船過對面...來回兩程咁就比人呃左$20, 真係好過去搶...

終於都過左對面啦~~~ 入到去同剛才爛泥既環境不同, 雖然因為上年年尾一場大火, 附近的樹木都燒得枯黃黑黑, 不過仍有一種滄桑美

「媽咪, 你睇下呢個樹同我一樣V字丫~」

有些樹因為火災燒到東歪西倒, 哲哲看到說要爬樹, 不過哲哲的攀爬技術...明顯還要向馬餾多多取經先得~~

終於都到左呢道小木橋啦~ 點都要影張相先! 見到對面屋仔的人影嗎? 果度有人影緊婚沙相, 因為今次我地只係快遊, 所以無行到好入, 下次有機會都好想行到間屋仔度影幾張廢墟相

呢道真係有好多新人取景影婚沙相, 就算唔影婚沙相著cosplay既都有好多

哲哲做緊咩呢?

哲哲見到呢條木, 話要做火車軌喎

簡簡單單一條木哲哲又諗到第二樣野玩啦~

哲哲邊行平衡木仲要扮兔仔跳, 見到佢V字手好認真咁屈膝跳真係覺得好可愛 XDDDD

怕趕不及生日會, 於是這天只能走到這裡回去搭爛船走. 沿路看到有揸車既話應該有另一條路可行, 而避過那條臭河橋

原來的人龍不見了,雖然不用等很久就有得上爛船, 但仍是深深不忿的被呃十皮!

2010年尾的一場陰謀論大火, 令南生圍多個景點遭受到嚴重的破壞, 我們實在很可惜之前從沒到過, 未曾親眼看過南生圍的原貌, 日後假若真的要移平此地發展商業項目的話, 實在太可惜了, 未曾到過南生圍的朋友一定要抽點時間來感受一下南生圍的餘韻