日與夜。兩個我

may 2

某天曉航爸爸keith在plurk說起愉景灣的淘蛋比賽, 不曉得當時自己突然膽粗粗問曉航爸爸和同樣住在屯門的hazel媽咪sara復活假不如相約一起在黃金海岸沙灘來一個淘蛋活動. 無奈約會那天下雨了 (次次約去黃金海岸都落雨, 激死人!!!), 唯有改期在這一天來個過氣活動~

前一天行山還天陰陰的, 這天卻殺各人一個措手不及, 又熱又曬, 在沒有防曬及太陽傘的情況底下, 我們都曬傷了. 兩截色都不特止, 皮膚疼痛不已, 這幾天還開始脫皮...

我們和曉航一家在荃灣匯合後先到黃金海岸霸位, 可惜我們來遲了, 到處都人潮湧湧, 陰涼的位置都給人霸佔了, 唯有在樹陰下勉強攝位...丹尼仔送的珍寶珠哲哲昨天沒有吃, 留到今天哲哲就嚷著要拿出來, 仲好得戚話自己食緊煙=.= (我地都無人食煙既, 都唔明點解哲哲會咁模仿...)

換好衫就落水啦!!! 哲哲好喜歡去沙灘玩, 這天是今年第一次的夏水禮, 以往哲哲只玩水不玩沙, 這天卻愛上不停將沙倒落水桶, 運來運去. 睇下! 哲哲笑得真係好開心架!

小美人hazel都黎埋啦! 三位小朋友甚少見面, 一開始時各有各玩, 彼此的眼光接觸亦很慢熱

不過一到淘蛋時間, 佢地開始有交流啦! 襯小朋友玩緊既時候, keith已經將三十多隻玩具蛋收埋晒, 仲好努力咁扭波波作為場區的邊界. 睇真d, d波波全部痴上眼耳口鼻, 好有心思架~ thx keith~~

起初三位小朋友都仲未知要搵d咩, 不過經sara「扮蟹行」整鬆d沙既示範同提水, 個個都進入作戰狀態, 務求搵到最多復活蛋!

  (photo by sara)

因為有d蛋埋得太深, 三位小朋友毫無頭緒, 於是要靠我地「出貓」幫手將d蛋浮面. 好多時hazel眼尾瞄到有點白色, 就估到果度有蛋識自己掘, 好叻女~ 曉航就好認真咁掘蛋, 見到佢好辛苦掘到好多蛋之後會抖大氣叫倦, 好得意~~

男同女果然不同...擺pose上來還是hazel強得多, S型三七面已經將哲哲直接了當地擊倒XDDDD

小休之後, keith又出動啦! 今次唔做魔術師扭波波, 而係做...隧道工程師 XDD

呢個隧道可以令hazel, 曉航和哲哲同心合力去掘沙, 灌水, 成功將蛋浮起時, 佢地好開心仲好有成功感tim!

「d蛋浮起啦」「我地好似煲湯咁丫~」「未食得架, d蛋同d湯未熟唔飲得住!」

(以上是他們三人的真實對白~)

陽光實在太猛烈, 開始感覺到對手有點灼痛, 於是我們離開去吃午飯

睇下班小朋友瞇埋眼個樣幾肉緊, 曉航瞇眼時會瞇埋個嘴仔同鼻仔; 而hazel就好似少女的祈禱咁. 多謝sara姨姨, 原來係哲哲鐘意既thomas小玩具, 睇下哲哲個樣幾滿足~ (呢日之後哲哲學識咩叫扭蛋啦~)

因為見影左好多張佢地開始貌合神離想散水, 唯有叫佢地扮茶壺同扮兔仔. 扮茶壺呢d唔夠cute既pose都係曉航同哲哲神似d, 而兔仔咁可愛就緊係非hazel莫屬啦

三隻小鬼精力旺盛, 上場完畢仲有下場!

原先都唔知點解d bubble水咁快無晒無得吹, 原來有人吹緊bubble時不自覺倒晒成支落地=.=