日與夜。兩個我

apr 9

呈呈表妹兩歲生日, 我們參加生日會前經過林村的許願樹, 順道入內和哲哲初試丟寶碟~

這個玩意是在曉航的blog看見的

在千色店見到原裝正版的賣$199, 淘寶的售數十元, 好抵又好玩~

今日學校派了惠氏的奶粉試用, 包裝袋入面還有一隻cd, 哲哲說要看, 於是晚飯過後給哲哲播來看. 正當我在洗碗的時候聽到哲哲碎碎唸...

「雲吞多奶」

(雲吞多奶? 哲哲講緊咩呢?)

「雲吞多奶」

(又一次的雲吞多奶? 無神神邊度搵雲吞同多奶呢?)

基於好奇, 於是走出來看個究竟...

這幾星期咳得很厲害, 西藥吃不好, 唯有轉吃中藥. 最怕中藥那種苦, 一喝苦茶, 自不然連打幾個乞次冷震. 哲哲溫柔的說:

「媽咪, 你係咪凍呀? 洗唔洗著多件衫呀?」

某日沖完涼出來的時候頻呼好凍好凍

「爸爸, 媽咪好凍呀, 你快d幫媽咪開暖風機啦」

吹頭後, 哲哲說我的頭髮很亂要幫梳頭, 於是交了一把扁扁的密齒梳給哲哲. 哲哲一路梳一路喃喃自語...

「好似搽緊牛油咁丫..」

(err...當左我個頭係方包多士嗎???)

mar 19

一直都很想和哲公公, 哲爸同牛姨和哲哲一起到阿貓地攤, 可是要幾位輪班人士一起放假都有點難度, 要不是這天有點雨, 要不是這天剛好在港島和牛姨在一起等吃晚飯, 這個機會還不知要拖到幾時~ (哲公公, 哲爸sorry啦, 唯有下次再陪你地去啦)

上年春天在meow chu的家已經看過meow chu玩這件玩意, 覺得雖然好玩, 但當時的哲哲只醉心於他的愛車, 所以提不起勁買其他玩意

最近決定的起心肝買點新玩意同哲哲玩, 繼早前介紹過的my first brain box外, 今次也將這個夢想城堡一拼的納入buy list. 多謝hazel媽咪同曉航爸爸的介紹個平靚正既買家, 8kg內運費只是RMB30, 而且仲送到屋企門口, 唔洗哲爸從鋪頭搬返屋企, 舒服晒~

(可惜我這盒有點小瑕疵, 不過幾十蚊的貨仔唯有接受吧)

懂事以來竟然發現危機可以和生活這樣近. 和2003年香港沙士比上來, 覺得這次因地震海嘯帶來的輻射更恐怖, 背後緣於一個城市竟然這樣滅了, 更傳聞溫文有禮的背後藏著製造核武的陰謀, 一想到這就覺得太可怕了

搶奶粉, 搶尿片, 搶買鹽, 搶豉油搶白米, 香港人什麼都搶一餐, 不禁令人懷疑現在是香港地震還是日本地震呢? 嘲笑人家大陸無常識低俗之時, 是不是也反映了香港人的質素不見得高幾班?

mar 14

很久之前已經想搞一次art jamming的活動, 當時大家興趣不大所以沒有成事. 多謝koko數月前通報近期大熱的團購可以以$99的優惠價試玩art jamming, 實在不用多想就參加了. 本來可以和一班朋友仔包場畫得自在一點, 可惜哲爸的時間就不到, 錯過了和一班朋友仔一起jam的機會~

等了個多月, 終於到art jamming的日子, 可惜這天哲哲的狀況很差. 早兩日40.3高燒完, 還有斷斷續續的餘燒, 而且氣管的問題嚴重得咳過不停, 乘車途中見哲哲精神不好, 真的想放棄回家讓哲哲好好休息

jameration在荔枝角某工業大廈內, 畫室的環境還不錯, 播著bossa nova的音樂, 整個感覺令人很放鬆. 雖然畫架與畫架之間有點迫, 不過當天人數不多, 所以還是有足夠的走動空間

feb 12

戰隊成形都有一段時間, 過往一起的活動多不勝數, 這年的團拜卻是我們的第一次, 想起來應該是之前幾年都夾不著時間見大家吧~ 

團拜前因為要和哲哲上playgroup, 所以沒有跟大隊吃午餐, 就直接到圓方的遊樂場等. 我們早到了, 哲哲四周不見朋友仔很掛念, 不停問我: 三包米呢? anson呢?

朋友仔終於到啦! 男孩們都是車迷, 人人想做司機, 你一句我一句拗數的時候請記住後面有乘客(米b)靜靜的在等你們開車丫~~

某日在茶餐廳叫了杯凍飲, 一粒冰子從杯裡掉了出來, 哲哲看著冰子慢慢的溶化為水, 很是好奇

「哲哲, 你望下, d冰溶左變成咩呀?」

「變成左水囉」

「咁你知唔知道冰係點黎架?」

滿以為哲哲會答我冰是由水來的, 又或者會答我冰是由雪櫃中製造出來的. 誰知...

二月尾的一個假日, 我和哲哲搭巴士經過火炭, 哲哲突然說: 「呢度係火炭」

「係呀, 呢度係火炭, 你記得媽咪之前講過我以前o係呢度返工丫?」

「我記得呀, 媽咪, 不如搵日我同你一齊返工啦?」

「你同我一齊返工? 你好想我返工咩? 我返左工就照顧唔到哲哲架啦喎」

「好呀, 媽咪, 你去返工啦, 我有麻麻照顧我架啦」

「麻麻都要返工架喎. 你鐘意麻麻照顧你咩?」

「係呀, 我鐘意麻麻照顧我, 因為麻麻好好人」

「咁我呢? 我唔好人咩?」

「媽咪...好惡既 」

早陣子在淘寶購了些一家大小一齊玩的益智玩具, 這晚見哲爸稍忙完可以準時回家, 吃過飯後就拆新玩具來玩囉~~

這個寶盒叫「my first brain box幼兒成長」, 玩法是要十秒內觀察卡上的一切然後答問題. 從網上看到已經覺得很好玩, 第一時間就淘來這件玩意了

打開盒子總共有五十五張卡, 一個漏斗同一粒骰

某天放學搭lift回家的時候, 除了我和哲哲之外, 還有另一位k1的學生和其家長

男孩手上拿住一支珍寶珠, 不停嚷著要即刻吃, 此時哲哲多事:

哲哲:「出街唔食得住, 要返到屋企先食得」

男孩:「 唔得, 媽咪, 我要依家食, 唔等返到屋企啦」

男孩媽媽同男孩說:「 你睇下個小朋友幾乖, 識話唔準依家食. 小朋友, 佢曳曳丫呵?!」

哲哲:「係囉, 佢曳曳丫, 都唔聽話既」

(哲哲, 你咪五十步笑百步啦...)

連續幾晚哲爸公事繁忙很晚才回家, 餘下我和哲哲兩個在家吃飯, 這晚決定偷懶, 倆口子到樓下商場吃飯順便陪哲哲睇巴士

事件一

走到商場問哲哲想吃什麼, 哲哲突然想喝酥皮湯, 於是和他走到大x樂看看鐵板餐有沒有酥皮湯, 可是沒有...經過隔離的椰x閣看到餐廳門口大大個餐牌, 哲哲停下

「媽咪, 依度有酥皮湯, 我好想飲呀, 不如o係度食囉?」

一瞄, 普通一個晚餐都要$65, 加$28餐湯升級為酥皮湯另加小食一客, 見價錢咁貴想打退堂鼓

「哲哲, 呢間餐廳好貴呀, 不如食第二間啦」

「唔好啦, 我好想飲酥皮湯, 我想要酥皮羅宋湯呀」

在門口講數, 擾攘多時只好下了個錯誤的決定:

feb 20, 11

聖誕前的一個飯聚時說起這個冬天一定要上joyce的家打邊邊!

改期又改期, 終於等到打邊邊呢一日, 上joyce屋企最期待就係杜瀾既好手藝, 諗返轉頭我提議打邊邊好似好浪費tim...

猶記得上次來的時候哲哲對肥貓拳打腳踢, 這次哲哲卻溫柔得多, 雖然肥貓依然很怕生, 一見到哲哲就躲在餐桌下, 不過到晚飯中段的時候開始放下戒心, 走出來望望哲哲了

一開始就算不走開, 任哲哲怎低聲下氣, 苦口婆心餵肥貓食零食, 肥貓聞兩聞就算, 點都唔肯放入口食

早個星期在家拖地的時候, 一個不小心四腳朝天跌傷了手肘及腰骨. 忍住痛即日往醫院照x-ray, 幸好只是皮外傷, 沒有傷到筋骨. 這幾天暫時行動不便, 也因為傷處痛而不能抱哲哲

星期六和朋友飯聚後和哲哲手拖手回家, 途經公園仔的長滑梯, 哲哲玩得很高興, 站在滑梯的高處說要邀請我一起玩

「媽咪, 不如你都試下玩啦, 呢個sir滑降真係好刺激架」

「哲哲丫, 媽咪整親隻手同條腰唔玩得滑梯丫」

哲哲望一望我隻手, 不滑了, 折返到地面跑過來說: 「我拖住你啦媽咪, 你小心丫, 我會陪你一齊慢慢行」